仙人求80年代入行，他對臨時演員的工作充滿熱誠，最愛研究俄國戲劇大師史坦尼斯拉夫斯基著作《演員自我修養》，是仙人求的精神追求，連周星馳也放於《喜劇之王》當中，成了最主要道具。
仙人求說起他的奮鬥故事：「好多年前茘園宋城搵我做supervisor，當時邱德根先生投資咗好多錢，成個場好靚，我哋日日對住啲靚景享受好美滿人生，晏晝食飯公司又照顧埋。喺表演過程裏邊，香港電台電視部已經有啲少少幾句對白（畀我）去演，但始終宋城係一個局限嘅地方，我就去咗出面電視台，做做吓咪做埋特約囉。120蚊做10個鐘，日日等電話開工。」
許多特約演員捱上十年八載便有機會轉做正式演員，偏偏仙人求入行30多年至今仍是特約，他說自己其實也試過投考無綫和亞視藝員訓練班，可惜自恃有份售貨員正職，面試時抱住「玩玩吓」心態不夠認真，結果兩次都被叮出局。最後，記者好奇問他偶像會否是星爺？仙人求指星爺只是其中一位，他最喜歡的偶像，其實是邵音音：「佢一生起起跌跌，嗰次佢攞到個獎盃（2011年憑《打擂台》奪香港電影金像獎最佳女配角），我都好戥佢高興。」