近日大價股主題股炒到癲，細價股又如何？有炒開細價股嘅戰友狂呻，冇故事嘅細價股，真係全部放喺度曬太陽，操作之難可想而知。相反，如果有古仔跟尾，在資金氾濫的今日，依然可以吸引資金入場。
以近期表現強勢的股仔中策集團（235）為例，去年11月底至今不足兩個月，累積升幅近3倍，其間好消息接二連三。
引發股價爆升的藥引，乃集團宣佈批股集資，最重要的是接貨不是別人，而是新世界（017）主席鄭家純。是故雖然批股攤薄幅度不細（佔擴大後已發行股本16.7%），配售價折讓幅度亦不少（較消息公佈前折讓逾一成），但股價單日照炒高五成。
另外還有兩個通告配合炒作︰第一，早於去年11月初提出，正評估一項潛在交易，包括但不限於收購一間於香港從事保險業務的公司的股本權益，並擬就潛在交易的初步投票程序，提交一份無約束力的收購意向。
第二，去年底委任周文威為執行董事，他於7月出任策略拓展董事，曾擔任中國人壽保險（海外）股份高級行政人員，於人壽保險業務有超過20年經驗。
公司謀求轉型保險公司呼之欲出，近日在高位調整，應正等候新通告的來臨再炒，戰友不妨睇實披露易，或本欄晚上的節目齊齊尋寶。
唐牛