【本報訊】政府突然取消牛年農曆年宵，除了一眾已投檔的花農大呻不滿，旺角花墟的生意恐亦受波及。有負責批發的花墟店主稱，預料已投檔的年宵店主將取消定單，年花會滯銷。
周日的花墟人流不俗，但未至於水洩不通。多間花店開始出售水仙頭、五代同堂及蘭花等耐放年花迎新春。
面對政府取消年宵，陳小姐中午已到花墟購入心頭好蘭花。她說今年無花市，惟有提早到花墟選購年花應節，「冇咗嗰個地方就會逼去第二個地方，其實都一樣」，質疑政府的做法只會令人潮輸出各區。
雖然人流不俗，但「繽紛」花店負責人羅先生認為「都未真正開始，取消年宵先兩日，未有確實改變」。花店店員周先生則覺得花墟人流明顯增多，料到年十五（27日）才見真章。
不過，駿發花店負責人鄭小姐認為年宵取消會拖累花墟生意。「呢度主要做批發，嗰邊取消（年宵）呢邊取消（定單），佢唔嚟攞我都唔知點搞！」鄭指若年宵檔主沒有銷售渠道，料未來一兩周將陸續取消取貨定單。
鄭續指，大批鮮花無法保存，日後再售「咪等死」。疫情之下，運輸費用倍增，今年亦難減價促銷，「減價又點？人流都係咁多！個個都話花墟好，都唔知好喺邊度，其實冇關係㗎。」除花墟外，有市民直接向花農取貨。自稱「蘭花愛好者」的區小姐過年前一個月已到花場選購，她指「有呢啲地方揀吓咪好，因為到時冇年宵，唔知去邊度有得買。」