【本報訊】繼去年取消年宵乾貨攤檔後，港府今年再下一城，消滅整個新春年宵。有民間團體斥政府以疫情為藉口取消年宵，自發舉行撐「喜」香港市集，冀為同路人帶來一點溫飽，並重拾力量一同再出發。
「HongKong_IN」將於年廿七至年三十在九龍區一個面積逾2,000呎的室內場地，舉辦「港嘢2.0 之 撐“喜”香港私人市集」。活動負責人光仔表示，籌備新春市集是因為「政府唔搞」，「佢要用呢啲伎倆阻止你去做反政府嘅嘢。以前乾貨最好賣嘅，係一啲諷刺時弊嘅嘢，佢連呢啲都唔畀出現。」而為免過早曝光遭受打壓，市集詳情稍後才公佈。
年宵以撐「喜」香港為主題，光仔冀為同路人帶來正能量，「條路太漫長，係會有灰心、傷心嘅時候，但係咪真係要將負能量一起帶住呢？」疫下經濟轉差，光仔說很多同路人都等待「開飯」，他們用僅餘的資金創業，「搵餐飯食」，希望藉市集鼓勵他們。除了期望檔主得到溫飽，其他同路人亦會受惠。HongKong_IN會將收到的租金，以及檔主盈利的一成捐到612人道支援基金。
HongKong_IN目前已收到逾30人認投檔主，超出預期攤檔數目。產品涵蓋文創、食品及服裝等，光仔認為反應理想，感謝他們支持理念。他盼各檔主用心經營的同時，亦可「搵到食」，「𠵱家自救好緊要，隨咗等開飯，你仲要自救，呢個係好好機會！」