現年71歲的「Benz雄」許紹雄一直視23歲的獨女許惠菁（Charmaine）為掌上明珠，去年一家移居新加坡，Charmaine雖以一級榮譽成績傳理系畢業，但她心願卻是開咖啡甜品店。二十四孝父親許紹雄打本百萬給她開coffee shop，他昨日回覆《蘋果》時更表示︰「我同個女講只要你有興趣，做乜都冇所謂。」
許紹雄1992年與新加坡籍太太龍嬿而結婚，結婚五年後，年近半百的他獲太太誕下女兒許惠菁。去年許紹雄以2,300萬港元於太太家鄉新加坡買下4,000呎豪宅，屋內設有私人泳池，一家三口已在當地定居，只偶爾返港工作。昨日《壹週刊》報道指，許紹雄斥資百萬，父女檔在新加坡開coffee shop，主力賣Charmaine拿手的甜品及咖啡，店舖面積約1,600呎，而他更不時在店中打躉做生招牌吸客。兩父女也不時在社交網分享照片，佘詩曼、陳煒、黎芷珊、譚凱琪、陳茵媺與黃翠如等都先後留言讚好。
身在新加坡的許紹雄昨日接受《蘋果》訪問，談到支持囡囡將興趣變成事業，他說：「我個女一直都對飲食好有興趣，本來佢諗住出去讀碩士，但係𠵱家啲疫情咁嚴重，我哋又唔放心佢出去，既然唔出去，咁佢又咁有興趣，咪畀佢發揮吓囉。我成日都同佢講，只要你有興趣，做乜嘢都冇所謂，有興趣先至會用心做，嗰啲嘢先會做得好。」
許紹雄表示coffee shop於上月21日開業，他也趁機大力推介：「好多謝大家畀面同捧場，生意都非常好，而事實食品都唔錯。」問到最喜愛囡囡炮製的哪款甜品，他笑稱：「哈哈，全部都鍾意。」至於開店後會否放更多的時間在新加坡，他就有保留：「都係走嚟走去喇！」
許紹雄之前接受訪問，指今次開店屬偶然，疫情初期囡囡經常留在家中焗蛋糕和曲奇打發時間，與鄰居分享獲得好評，囡囡在大家的建議下，半年前已開設網店，隨後太太提議開實體店，最後選址在屋企附近，方便睇舖。看到囡囡瞓身打理咖啡店，許紹雄有感而發：「最緊要係搵到你自己開心嘅嘢去做，先會開心。」他與女兒年齡雖然相差近半個世紀，但向來開通的他與女兒零代溝，Charmaine也曾在節目上大爆兩父女感情如拍拖般甜蜜，無論爸爸身在哪裏他們都會每日通電，癡纏過男朋友。
70年代加入無綫的許紹雄，雖然演的大部份是綠葉角色，但產量驚人，賺錢能力高，更是第一個揸Benz返麗的電視台的員工，因而獲得「Benz雄」稱號，近年他憑《使徒行者》系列的「歡喜哥」大受歡迎。身家豐厚的許紹雄，對Charmaine從小的教育就很緊張，他因為覺得新加坡的教育制度較好，安排囡囡就讀位於香港仔的新加坡國際學校，不過因課程較深，他與太太為女兒尋求補習老師協助卻無果，因而往當地尋找補習老師，更開設教育中心，至Charmaine在2016年上大學，教育中心才結業。去年Charmaine大學畢業，許紹雄曾上載畢業禮合照並留言：「大個女了……知道你非常努力，一級榮譽並不容易。繼續加油！」多年來的教育費肯定以百萬計，所以今次再花百萬為女兒追夢只是濕濕碎。
