【本報訊】55名初選被捕人之一、公民黨譚文豪前晚獲保釋後，昨早即如常到他上月開張、位於旺角的餐廳工作。譚文豪接受本報訪問坦言，被控港版國安法是從政以來最大考驗。他相信政權大搜捕民主派人士目的是令民主派受驚：「要你唔正常、想磨滅你嘅鬥志。」他呼籲香港人在極權下不能倒下。
一如其他被捕人士，譚文豪周三清晨在家中被捕，大門被警員撞開，他被帶返牛頭角警署受查，進行五次錄影口供。譚文豪曾因議會抗爭被捕，但他坦言，今次是從政以來感受到來自政權的最大威脅。他在被扣查時不斷反覆問自己：「究竟我做錯咗啲乜嘢？究竟我有冇做錯啲乜嘢，而要面對呢個責任呢？我有冇殺人放火打劫呢？我係咪真係做咗天理不容嘅事，要俾（警方）上手銬、五花大綁呢？」譚亦反思，應否支持今日有年輕人進入議會，「究竟𠵱家嘅議會，容唔容得下有抱負嘅年輕人？究竟我會唔會害咗佢？我已經唔識答」。
譚文豪一直以為投票是最和平、最民主的民意表達，但政權也容不下，今次也令他反思「香港仲剩返乜？」他認為，今次大搜捕將所有人的從政成本提升到「高到不得之了」的水平。
2016年參選立法會選舉時，譚文豪預料政權最大的打壓是褫奪議席、或全體議員總辭；至反修例運動之後，他意識到要負上入獄的代價，他也甘於負上代價，但目前的形勢已經變成「先坐監，後進入議會」，政權似乎也在發放相似的訊息，「坐監已經係基本盤」，他直認對目前政治前景感失望。
譚文豪認為，今次大搜捕「要你驚、要你唔正常」，也要散播一種「你是罪犯」的污名化訊息。為了抵抗政權的圖謀，他決定如常到餐廳開檔，「每日都擔驚受怕或者唔知聽日點，不如好好面對每一日」，他呼籲香港人即使面對逆境，都要正面面對。