樂瞳在武肺疫情下喪吃和懶運動，近日身形變得非常圓潤，她歸咎不肯下廚，一肚餓便叫外賣。新一年，她表示要強迫自己動起來：「食得外賣太多，真係唔多健康，我準備去學煮吓飯，食清淡啲既可減肥又可以健康啲。」
踏入新一年，樂瞳最大的計劃除了搵錢外，還要慳錢，她說：「疫情唔知幾時先完，經濟唔好，所有嘢都打亂晒，我樣樣嘢只可以見步行步，好彩我屋企唔使我好大負擔，主要顧掂自己。不過因為好多工作都受疫情影響有阻滯，收入少咗，我要慳啲，同時學吓積穀防饑，有機會我搵多啲錢，盡量儲錢畀將來傍身。」過往為工作不時遠赴外地的樂瞳，指很多身邊朋友覺得不能出埠旅行，就會捨得留港消費，但她剛好相反，不時提醒自己斷捨離，以及減少購物。
場地提供：Rehab
服裝提供：MZ JJ