【本報訊】因應武漢肺炎疫潮持續，政府宣佈決定取消下月舉行的15個農曆年宵市場及沙田車公誕新春市場。有花農大喊「好頭痛」，批評政府臨急才決定取消年宵市場，導致他損失三分二年花生意，「咁點呀，啲花拎去填海呀？𠵱家搵唔到舖頭賣（花），搵到都偷笑」。
食物環境衞生署表示，本港目前疫情仍然嚴峻，疫情反彈風險未退，社區仍然存在隱形傳播鏈及群組爆發的風險。政府早前已調整今年年宵市場的規模，但年宵市場及新春市場可能有大批市民聚集。考慮到疫情發展，為保障場內檔主和市民健康，盡量減低疾病傳播風險，政府決定取消今年農曆年宵市場及新春市場。
食環署會以書面方式通知所有投得攤位的檔主有關決定，並按特許協議盡快安排全數退還攤位的使用費給他們。同時，為協助花農以其他方式銷售年花，會與業界主要持份者會面，在防疫抗疫的前提下，積極探討各種可行措施，例如在各區公共屋邨或其他地點物色合適地方銷售年花的可行性，希望盡量減低取消年宵市場對業界的影響。
有「桃花大王」之稱劉海濤感嘆「好頭痛」，他說：「桃花全部都好大件，冇（年宵）檔口，喺田度賣要請好多人（預計多請人手？）𠵱家好難答你。」他預料年宵花市泡湯將令他損失三分之二年花生意。
他批評政府臨時的決定對其影響甚大，「早啲公佈嘛，幾廿萬投攤檔，𠵱家搞唔到，啲花拎去填海？」雖然政府會退還攤位費用，但他仍不滿：「點退呀，過千個檔位。」他說現時很難再覓得舖位取代，「搵到都偷笑」。另一花農元朗張粦記老闆張先生則表示無奈，「可以點啫？學黎智英話齋煮到埋嚟就食」。
投了維園檔位的王先生指摘政府「都唔知攞咩嚟諗嘢」，他指出，全港年宵取消，等於逼所有人落花墟、街市買年花，一樣有爆發風險，「一係你不如戒嚴，唔畀人出街買過年嘢，你𠵱家話畀屋邨、停車場（賣年花），咁屋邨唔會爆咩？點解屋邨唔爆、你維園會爆呢？你逼晒去花墟會唔會爆？……佢真係無腦，係咪戇居㗎？」