傅珮嘉（Maggie）在2005年出走台灣，其後與台灣男友Steven結婚生仔，但她太愛香港這個家，坐完月決定一家三口返港，兩夫婦經營「三星台菜食堂」，但去年她突然表示與餐廳割席，回台灣住了三個月。之後又舉家返港再開餐廳，令不少人感到愕然，日前兩夫婦接受《蘋果》專訪，細述來回兩地的心情。
撰文：唐琛悠
傅珮嘉與老公Steven於2010年開始在香港經營台菜餐廳，開了多間分店，但去年7月她突然在社交平台表示要與餐廳割席，原因是她沒辦法接受不公允及不受尊重的對待，更決定舉家返台灣。正當大家都羨慕Maggie可以在自由的土地呼吸自由的空氣，而香港仍然遭受武肺疫情蹂躪的時候，她一家三口卻回流返港，並再開餐廳及聘請舊店一班被炒夥計。
日前Maggie與Steven在灣仔的新舖接受訪問，限聚令下每枱限坐兩位食客，人流卻絡繹不絕，兩夫婦親力親為，忙個不停。Steven表示：「嗰陣係因為同之前間餐廳分咗手，我需要啲時間沉澱一下。今次再返嚟，阿媽真係鬧到我飛起，鬧我無端端點解又返嚟香港。」Steven不否認對香港有一份情意結：「我喺香港都十幾年，香港係一個好靚嘅地方，但真係需要多啲希望。當時應承咗佢哋，如果我有能力，會全部請返晒佢哋。」
在目前的社會環境下再創業，Steven坦承可以用「驚」去形容：「驚都冇用，點都要面對，唔通睇住佢哋坐喺屋企冇嘢撈？廚房班同事好信任我，一路等我開舖，本來最初諗開間細細間，請番兩、三個人算係一個交代，但傾吓覺得唔得。」結果在機緣巧合下，找到一間合心水的店舖，與業主簽約三年，請回所有舊員工，連樓面一共七個人。
在旁的Maggie忍不住笑說：「當日我都係被呃咗返去，今次係挾住返嚟，我喺身邊睇到佢嘅辛苦，但係佢哋嘅team work好強勁，由佢老竇嗰代教佢。錢係搵唔晒，一定要全部人一齊去建立，所以喺佢身上感受到互相依靠、扶持，我一定要支持佢，但係我同佢講，呢個真係最後一次。」
Maggie的人生里程上，似乎與台灣有不解緣，在最失意的時間，去了台灣發展，結果事業比在香港還要好，感情路上又遇到一個志同道合的人。問到台灣最吸引人的地方，她笑言：「係人情味，我係一個我行我素，好自我嘅人。之後去到台灣，由全新嘅人開始，我學識放低執着，點樣做一個更好嘅人，呢件事完整我嘅人生，其次就係言論自由及民主意識。」再問怎看目前的香港？Maggie說：「香港𠵱家係處於一個非常艱難嘅時期同嚴峻嘅環境，姑且唔講社會撕裂，只係針對一個疫情，已經搞到大家筋疲力盡、百業蕭條同前路茫茫。」
