周家怡和黃德斌為張敬軒推出新歌《俏郎君》擔任MV主角，MV不惜工本以電影模式製作，二人飾演經歷生死的患難夫妻，軒仔不會在MV中出現，但拍攝時親自監督每一場戲，周家怡大讚軒仔是貼心暖男，照顧現場所有人。
其中一幕夫妻有激烈床戲，周家怡半裸上陣露出白滑玉背：「唔係螢幕初吻，又唔係第一次床戲，但就係第一次咁激嘅床戲，大家合作好多次已經好熟，但最初拍我忍唔到笑，真係太熟啦！佢都忍唔到笑，嗰個位就會有少少尷尬。」周家怡拍攝投入角色，指二人親吻令她感動：「嗰種感動係嚟自一對情侶中間有啲隔膜嘅時候，可能就係得嗰一個moment個女仔先可以真係好感受到大家連繫嘅嗰份愛，導演睇返都覺得有種悲哀感覺。」