【阻差辦公案】【本報訊】前年10月31日多區集會，一名文員及網媒女記者分別被控襲警及阻差辦公，案件昨續審，一度稱女記者「令我追截慢咗一秒鐘嘅反應時間」的督察續作供。庭上播放當晚片段，督察多次以影像模糊「睇唔到」為由，避答是否身處片中。裁判官張天雁忍不住稱：「唔好不停話睇唔到，咁樣冇意思㗎。」督察最終表示：「法官閣下，我相信呢個係我本人。」
被告譚浚文（24歲）被指當日在油麻地咸美頓街與彌敦道交界襲擊督察21982譚健燊（圖），女被告郭穎彤（24歲）被指故意阻撓譚執行職務。譚健燊昨離開法院時問記者：「真係要影相？我整返好個頭髮先。」
庭上再播放當晚多部警車趕到現場片段，辯方問片段中有人從警車車頭位置下車，是否譚本人；譚健燊多次答影像模糊「睇唔到」。張官謂：「幫辦，你咁樣幫唔到法庭㗎。你可以話可能係我，唔好不停話睇唔到，咁樣冇意思㗎。」又謂「辯方大律師咁問你，係合理㗎……你唔使勞氣，講證據就得㗎喇」，譚即確認該人是他。
此時公眾席傳來笑聲，張官問：「邊個笑呀？」一名中年漢站立直言「係我笑」，並自行離座準備離開。張官謂：「你認錯道歉就得㗎喇。」男子謂：「我道歉，但我冇錯，因為笑係人嘅自然反應，係忍唔住嘅。」張官說：「咁你出去啦，你嘅忍耐能力咁低。」惟男子邊行邊說：「我出去，但我一啲都唔低。」
案件編號：KCCC668/20