【中環在線】四大會計師行（Big 4）工時過長，已經唔係秘密，不過白字黑紙寫埋刻薄員工嘅要求，又真係聞所未聞。近日審計高峯期，安永（EY）流出咗一封內部電郵，有位吳姓高層自己唔放假，就捽埋下屬都唔准放，開宗明義要求員工一星期返足七日工，平日工作時間「應該係早上9時30分，收工時間晚上11時30分」。星期五佢「大發慈悲」恩准大家夜晚7點半收工，可以同屋企人或者朋友食飯咁話。
有位EY前員工大爆，每當工作高峯期，周末返工、24小時候命，都係Big 4基本盤。佢自己亦曾經同嗰位高層共事過，覺得佢勁勤力又有責任感，但明顯管理技巧就出現問題，唔識做人之餘，仲有可能違反埋《勞工法例》囉。
計華華話呢，呢位高層眼中只有工作，又無時間同家人交談，同特首林鄭真係有得揮！
李華華