英國球壇近期一路俾武漢肺炎陰霾濃罩，就好似英冠嘅打比郡，喺最近一次嘅病毒檢測入面，就一共有七名職球員確診。球隊原定星期六要喺英足盃作客佐利，不過喺隊內疑似發生小型爆發之後，領隊朗尼（圖中）同埋所有一隊球員要即刻接受隔離，無緣出席呢場英足盃第三圈賽事，所以打比郡呢場比賽將需要抽調U23同U18嘅球員出賽，並且由預備組教練領軍。