西甲榜首球隊馬德里體育會（紅白衫）喺周三嘅西班牙盃第二圈遭遇滑鐵盧，0:1爆冷不敵第3級別球隊哥尼拿。馬體會今場可謂賠了夫人又折兵，先喺開賽七分鐘畀對手靠一次罰球攻勢，由阿祖安占美尼斯射破大門，四分鐘之後又有中堅荷西基文尼斯膝傷退下火線。馬體會下半場再有另一個後衞李察山齊士2黃1紅離場，最終10人應戰之下無力反撲，無奈出局。