市況火熱，各類股份只要有利好消息，即刻進入快車通道，內需股繼續強勢，乳業係其中一個強勢板塊。
兩大龍頭股蒙牛（2319）及伊利齊創歷史新高，在內地上市的伊利，旗下白奶產品將加價，或是本周破頂的催化劑，同業中國飛鶴（6186）上市日子最短，在2019年底上市，去年曾被沽空機構狙擊過，但亦無阻股價在本周創新高，以市值計，已穩坐乳業股三哥之位。
三大巨頭近年都積極拼購，更觸發奶源爭奪戰，蒙牛增持中國聖牧（1432）股權至17%，成為單一最大股東；伊利就在9月宣佈私有化中地乳業（1492），交易完成後將退市；中國飛鶴亦不甘示弱，收購其供應商原生態牧業（1431），現時持股71%。其實除了蒙牛外，以上兩大三小的乳業股，去年上半年收入都有增長，未受武肺疫情打擊。
三隻奶源股中，以原生態牧業最為值博，公司三大客戶係飛鶴、蒙牛及光明乳業，中期盈利增2.6倍，賺1.2億元，業績公佈後，最大客戶飛鶴隨即以0.63元作全購，咁急出手可見係奇貨可居，存心截蒙牛糊。要約在上月初完成，飛鶴最終持股71.3%，而公眾持股由本來的71.6%變成28.7%，街貨一下子收番齊，原生態牧業亦隨即委任3人任非執董，分別係飛鶴的董事長、副董事長及總裁，可見極之重視，而原大股東趙洪亮雖然在全購時盡沽手上持股，但仍留任公司主席，相信這個只係暫時性質，待3月公佈全年業績後應會退任。
本周內地白奶產品漲價，蒙牛及伊利都有份，而伊利在回覆查詢時，指加價係原奶成本上漲的壓力所致，換言之即係奶源商加價啦，最直接受惠的將是上面3隻講的奶源股，既然中地乳業要退市，選擇得返兩個，經青冰講完，原生態牧業應是首選吧。
青冰