求驗客手記:蘇B反擊高普12碼論

求驗客手記:蘇B反擊高普12碼論

利物浦領隊高普日前話自己執教紅軍五年半以嚟,所獲得嘅12碼都唔夠曼聯喺近兩年半嘅多,為月中英超「雙紅會」添上火藥味。曼聯領隊蘇斯克查就反擊話高普咁講只係想向球證施壓,影響佢哋判決:「係事實咩?大概係啩。呢個就係我嘅答案,實情係我哋比佢哋得到更多12碼機會,我冇數過佢哋有幾多球12碼,不如佢哋花時間關心吓我哋喺禁區內被侵犯咗幾多次。」蘇斯克查仲話:「呢啲或者只係用嚟影響球證嘅技倆啦,我唔知道,亦唔關心。」熱刺領隊摩連奴亦不時寸蘇B麾下嘅曼聯往往可以喺球證特別眷顧下獲判12碼。