何韻詩前晚於Ig貼出與時事評論家李怡的合照並留言︰「多謝男朋友（李怡）上嚟Podcast幫我哋開年。唔知係咪我哋個vibe真係太廢，warm都未up到，一嚟講啲嘢已經好爆，嚇到我標冷汗。」原來在節目中，何韻詩問有沒有睇鹹書？李怡直認不諱說：「最近睇咗一本日本鹹書《春畫》，係古代畫嘅春圖，亦有解釋繪畫嘅理由。」李怡大讚畫功細緻。
李怡更引用倪匡一句話：「我哋呢種年紀睇《金瓶梅》至欣賞到佢嘅藝術價值。」何韻詩問何解？李怡解釋：「後生嗰陣睇鹹書自己掛住打X機，𠵱家冇咗嗰樣嘢，咪可以靜心欣賞。」何韻詩爆笑指：「𠵱家可以集中啲嚟睇嘢。」李怡指年輕時更戮力尋找《金瓶梅》的足本，找到後即馬上細嚼，卻發現沒想像中誘人。