【本報訊】下周一將卸任終審法院首席法官的馬道立，昨在離任前跟傳媒會面。對於京官、左媒及建制近月以「司法改革」施壓，企圖削弱香港司法獨立，上任時稱維護香港法治為自己使命的馬道立，終在離任前作回應，強調司法機構不反對改革，但必須有細節、理由和證據，又反駁因不喜歡判決提改革言論，「贏唔到就要改革，唔係一個特別好嘅理由」。對於坊間質疑「法治已死」，馬官直言難以接受，認為今天香港仍有法治，期望港人對法治有信心。
終院首席法官馬道立本月11日將正式卸任，本周五為最後一個工作天，他昨在離任前記者會致辭，提及不同評論指香港改變了不少，同時指「社會變咗幾多都好，司法機構以及我哋態度都係不變，呢個係維持香港法治嘅意思」。
港澳辦副主任張曉明、建制派和親中陣營，還有左媒及終院前常任法官烈顯倫曾多次提出「司法改革」，馬官昨主動提及司法改革的「建議」，稱司法機構的立場並不反對，「如果有咩地方可以改善，我哋一定會跟進，係我哋好多年立場。如果講改革，要畀細節、理由、理據，點解同邊度需要改革」。
他繼而不點名反駁外界「輸打贏要」無理指控，「如果只係唔鍾意今日嘅判決，昨日嘅判決，或者明天嘅判決，所以就要改革，如果你意思話次次想打官司一定要贏，贏唔到要改革，呢個唔係特別好理由」，稱「好多市民覺得好難接受」；重申法治為香港基石，「希望市民尊重司法制度及法治」，強調任何人都可以評論、批評法庭工作，惟「想批評一定要有理據」。
至於烈顯倫曾批評港法官不宜引用外國規範和價值作裁決，馬官指法律有時很複雜，需要參考其他地區判例，「普通法有doctrine of precedent（遵循判例），睇吓英國嗰啲法庭點判呢？或者澳洲，或者第二度，呢個係好普通，呢個係應該做，相信大家讀過書、讀過法律，大家都知道應該咁做」。
對於坊間指香港「法治已死」，馬官認為質疑的人應反省為何有此想法，「係咪唔滿意判決？要搵objective fact（客觀因素），又指若判決有錯可提出上訴，「（批評）法治冇、死咗，（若是）因為你唔接受判決，係比較難啲接受（說法）」，期望人人都對香港法治有信心，認為香港仍有法治。
曾任大律師公會主席的資深大律師梁家傑指，馬官明顯針對不尊重司法制度的人，料其言論勢必被建制派理解為司法機構抗拒所謂改革，隨時作還擊；他又指港人要謹記法官始終是保守一群，非政治人物，不能單靠法官獨力支撐整個制度，要讓他們明白其決定有港人支持：「官都係人，我哋感受到嘅壓力，佢哋都感受到。」
本身是律師的民主黨何俊仁指，左報、建制派要求的司法改革，骨子裏是要法庭日後裁決時，充份體現全面管治權，認為馬官有關回應，是要在離任前捍衞司法獨立傳統。律師會理事林洋鋐就以個人身份表示，馬官的言論是一般常識，「毋須要有法律訓練」，又指親中人士提出改革是出於政治立場，「講嘅都係政治意見、要忠於政權」。
