馬上就到美國大選埋尾階段，美國時間1月6日，根據選舉流程，國會將點算早前的選舉人票。近日就流出特朗普秘密錄音，為特朗普同佐治亞州州務卿拉芬斯伯格對話，大意係特朗普想拉芬斯伯格重新審核選票，並提出11,780張票這個數字，當然係關係到選舉結果。
秘密錄音事件反映兩個問題，其一，報道指錄音來自1月2日特朗普與拉芬斯伯格的通話，如此則說明特朗普並非如早前有報道指已放棄大選；其二，1月6日國會點票，現時流出錄音，說明事情仍有變數，而非已確定。
1月6日的點票，參議院及眾議院只要有一個議員對大選結果提出否決，根據美國憲法就要由參眾兩院投票表決，其中部份州之選舉人票有機會因此而作廢。一旦出現特朗普及拜登最後各持不足270選舉人票情況，根據美國憲法第12條修正案，將舉行臨時選舉，由眾議院選總統，參議院選副總統。美國臨時選舉只出現過3次，分別在1800年、1824年及1836年，係百幾年前之事。
特朗普指摘選舉存在舞弊，或有可能即循此方向，按法律程序將消失百年的臨時選舉重現。
常看到有人重提特朗普80年代接受的訪問，其人價值觀數十年如一，有志，不服輸，都是成大事需要的性格要素。但這種性格亦很容易被有心人牽引入歧路，尤其一旦怨憤蓋過理智。間諜有5種，鄉間、內間、反間、生間、死間，各國最高權位身邊有冇間諜，其實很大機會有。蓬佩奧係前CIA頭，特朗普搵佢做國務卿，相信亦心中有底。
2020年為時代轉折位，西曆2020年已過，但中國庚子年尚有個幾月。這個時代轉折係因為國際秩序主導者暴露出弱點，而疫情如一場演習，測試出多少列強面對可能出現的亂世毫無準備。但亦因此，新一輪變化已開始籌備。從歷史唯物辯證角度看，應對與籌備其間表面會稍為好轉，所以新一年會比較好，直到約2024到2025年各大周期交滙時先至嚟料。尼采《查拉圖斯特拉如是說》有句話：其實人同樹一樣，越嚮往高處陽光，其根就越要向黑暗地底伸展。如何理解，由看官自行判斷。
Mr. Tregunter