認戀沙律聲稱單身　
保錡遭正印轟偷食「佢帶其他女仔返屋企」

人氣節目ViuTV真人騷《全民造星》成功捧出組合MIRROR和ERROR，前者成員之一陳卓賢（Ian）被踢爆媾掂女神盧慧敏（Amy Lo）後，後者的吳保錡前日亦被《蘋果》爆出跟性感女神張沛樂（沙律）十指緊扣逛街，及後沙律大方默認戀情。怎料昨日卻有指保錡原來另有正印女友賴嘉賢（Carrie），她接受傳媒訪問時聲稱跟保錡從未分手，更直認她去年10月30日生日時仍跟男友一同慶祝，形影不離。二人最近聯絡是在11月26日。

「已經交代清楚關係」

Carrie是模特兒兼歌手，據知她跟保錡拍拖差不多兩年，男友疑偷食沙律，如夢初醒的Carrie昨日在Ig限時動態上載一張黑色畫面圖片，及後她再回覆《蘋果》謂：「𠵱家知佢為人係點，咁多人話我知佢同我一齊仲約人食飯，人哋唔理佢都搵人，佢係冇問題嘅話，點會咁多人話我知佢帶其他女仔返屋企。噚日睇到新聞好嬲同喊，因完全唔知乜事，被人擺咗上枱。」不過另一邊廂保錡卻否認出軌，他昨以短訊回覆《蘋果》：「我已經交代清楚關係。」至於去年10月還陪Carrie慶祝生日，他承認有此事：「其實已經冇聯絡一個月，而且已考慮咗好耐。」是否正式跟Carrie講分手？還是對方不接受？保錡初以工作為由避答，之後再回覆補充：「同前女友已經冇聯絡一段時間，回復單身後，我同沙律剛剛開始發展，希望大家畀多啲空間。下年已經30歲，要認真為未來打算，所以會更加努力專注工作，希望未來得到更多人認同及認識。」

沙律撐男友冇隱瞞

而被指是第三者的沙律，昨早亦在Ig限時動態留言：「人類是很奇怪的生物，明明夾不來，總想試試夾一下，因為不甘心。」似反指Carrie不肯接受分手。對於保錡被指一腳踏兩船，沙律昨回覆《蘋果》說：「我知道晒所有事，我100%支持保錡，我亦知道佢個ex係邊個，冇隱瞞嘅成份。佢同我一齊嘅時候已冇同對方聯絡，真心唔理解點解女方話呢兩、三個月保錡對佢冷淡，完全冇聯絡。不過佢哋已經溝通好，我亦都唔想大家有任何嘅傷害，亦都唔想大家去攻擊保錡或者有不必要嘅猜疑。」但會否擔心被指是第三者？沙律聲稱因自己根本不是，故此從不擔心。