鄭伊健新一年推出新歌《STRONGER》，特別找來蘇麗珊與80位舞蹈員一起拍攝，蘇麗珊表示與專業舞蹈員一起合作演出，就好似紅館開演唱會一樣。伊健過往在紅館開演唱會，亦沒有這麼多舞蹈員參與，他說：「平時大概20個舞蹈員，真係好開心，咁多年輕人一齊跳，大家都付出好大嘅能量。不過衫靚就唔好跳，鞋靚就唔好着，好似我今日着對鞋又重又難郁，跳舞時真係有苦自己知。」他又稱羨慕蘇麗珊可以穿波鞋跳舞。
於疫下開工，伊健說：「好開心大家可以一齊工作有嘢做，睇住大班年輕人一齊喺陽光下跳舞，就好似我哋同香港人一齊經歷，無懼挑戰難關。」是次拍攝為防止疫情，劇組事先在場內消毒，為進出者噴灑消毒劑。