上星期重心推介場賓福特，因為武肺取消，真係老套講句，真係要好好珍惜仲有波踢嘅環境。法甲周中就歇冬後重開，巴黎聖日耳門換帥後係龍定係蟲，睇多兩場先，𠵱家唔好搞住，前列球隊中，對馬賽（圖）都有好感，周三主場對另一支硬淨對手蒙彼利埃，信馬賽小休後可以反底，讓平/半要上盤。
馬賽以人腳嚟講，就算好難挑戰巴黎聖日耳門，都算法甲前三，教練波亞斯亦都係有料，不過上月歐聯出局後，影響埋球隊信心，2020年最後3場聯賽只拎到1分，跌到去第五位。好彩法甲都叫做有兩個星期歇冬，馬賽班球員小休，特別好似皮耶、長友佑都呢啲老將，應該可以上返力，周三主場對蒙彼利埃，世界博彩公司平均值主W就2.04倍，亞洲盤平/半中水，都叫做有信心。睇返馬賽今季主場戰績，自季初輸畀聖伊天，之後6場拎到3勝3和，今仗真係半個盤博一個盤。
蒙彼利埃都算係法甲黑馬之一，𠵱家就排第八，往績上作客馬賽都好差吓，近4次訪單車球場只得2和2負，2017年1月更加輸1:5，雖然歇冬前作客戰績唔錯，已經七場不敗，不過小休過後隨時冇晒季中銳勢，呢場捧唔過。
同榜首里昂一樣有36分嘅里爾，都算係法甲比較穩陣嘅球隊，事關呢班波開季至今只失12球，係法甲第二佳防守，周三主場就鬥昂熱，初盤要讓半/一，似乎都幾多，昂熱係靠死守為主，呢場波入球「細」比上盤穩陣。
文：Goal進
截稿前馬會尚未開盤，盤口僅供參考，讀者記得留意足智彩網頁。
馬賽自季初0:2不敵聖伊天後，已連續13場比賽取得入球。