李香琴私下和藹可親，先後跟多位後輩上契，包括萬梓良、呂良偉等、關菊英及戚美珍等。呂良偉昨日不捨表示：「好愕然、好傷心、好唔捨得，有同佢見面食飯傾偈，同佢唱粵曲傾舊事都好開心。」他坦言料不到契媽突然離開，但得知她走得安詳亦感安慰。萬梓良昨晚稱在傍晚收到消息：「三年前探過佢，腦退化加深好多，認唔到我，內心好難過，走時同佢叩頭，老人家88歲高壽，冇法子呢日終於要嚟，我喺度表達對佢係無限懷念，觀音菩薩帶佢到西方極樂世界。」
琴姐跟關菊英在70年代拍《親情》時已以契媽契女相稱，關菊英昨透過經理人公司回覆，指心情難過，希望契媽家人節哀。另一契女戚美珍表示：「慈愛寬容樂善好施！媽媽，感恩我們的緣份！願你早登極樂！」此外，琴姐與翁美玲也因拍劇認識並認做契女，翁美玲自殺前一晚，琴姐想開車送她回家，但遭拒絕，翌日便傳來噩耗，琴姐生前曾表示多年來仍為此事感到內疚。
黃百鳴和琴姐在當年新藝城電影《八星報喜》開始合作，他昨日說：「佢成為我賀歲片嘅幸運星，後來佢身體唔好，我同古天樂都去探佢同佢飲茶，聽到佢走咗都好難過，佢係好好嘅前輩。」跟琴姐相識超過半個世紀的黃夏蕙則表示：「琴姐個人好好，性格豪爽，以前一齊做嘢佢成日提點我。」