【本報訊】小學女教師林麗棠的死因研訊昨續審。早前有副校長供稱涉案時任校長羅婉儀對死者語氣不嚴厲，惟曾任課程主任的教師昨直指，羅會見時對死者「精神虐待」，曾喝令死者「收聲！唔准駁嘴！」死者的直屬主任更與羅在庭上正面交鋒，斥羅因小事不斷折磨死者，激動質問：「係咪真係要逼到一個人冇彎轉？」
與死者相識20多年的教師郭靄怡供稱，自2015年開始，經常看見死者從校長室出來後痛哭，「有時會歇斯底里一直跑，因為唔想學生見到。」她見過四至五次類似的情況。
郭透露，曾兩次陪同死者見羅，其間羅不斷責罵死者，聲量傳至門外。羅又質疑死者工作能力不合要求，「要唔要我教埋你做呀？不如我幫你做埋佢？你有冇能力做呢個位㗎？冇能力我換人㗎喇！」當死者嘗試解釋，羅即時喝令：「收聲！唔准駁嘴！」
郭補充指，死者每次見校長都誠惶誠恐，甚至「未開始已經眼濕濕」。郭又指，即使兩位副校長目睹死者泣不成聲，仍會保持沉默，甚至事後建議她放學後繼續工作，「唔會有人停個會見，只會繼續鬧。」
死者的直屬主任勞佩玲昨亦作供。羅盤問勞，指開會時曾與她商討減輕死者工作量的方法。惟勞反駁：「個出發點似係覺得林老師不合要求，要佢退落嚟，而唔係想幫佢。」
羅堅稱希望幫助死者，勞激動說：「如果校長你真係關心林老師，點解3月5日要再搵多佢一次？點解漏出通告，都要折磨嗰個人咁多日？我真係諗唔明……係咪真係要逼到一個人冇彎轉？」羅聞言沒作停頓，續急速解釋：「我只係想調查有冇地方可以做得好啲。」
案件編號：CCDI206/19