2020年全球疫情大爆發，胡家惠的六歲大女Charlotte和三歲細女Christy長期在家上課，她計過大女全年只上了30多天課，細女亦只上了40多天。Cathy自言有時見到細女要連續坐兩小時上zoom課程，都為她們心痛。
幸好兩個女兒和Cathy一樣，性格開朗活潑，拍攝期間不停跳BLACK PINK及BTS的舞，打觔斗又唱歌，充滿表演慾。她笑說：「大女話要做K pop明星，好瘋狂！有時我放工返屋企呢，佢要我停響門口度，佢同阿妹已經排好咗成隻舞畀我睇，好利害，我都睇到呆一呆。」港姐出身的Cathy，不介意女兒做童星， 她表示：「冇乜所謂，自由發展啦！最緊要唔好影響到健康、學業，咁就OK畀佢試吓囉。佢哋都知媽媽一個人做幾樣嘢係好難，又有自己公司，又要拍嘢，又要理屋企，佢哋都知媽咪辛苦，咁等佢哋感受吓都好。」
更多精采時尚內容，盡在http://add.appledaily.com。