踏入2021年，不少專家評論今年經濟社會狀況，均如季陶之說，香港失業及企業結業潮恐成新一年重要問題。有專業人士均稱，新一年另一問題將是移民潮，坦言因港版國安法而引發的移民潮今年才會浮面，對香港經濟會做成多大影響，仍是未知數，他更指即使北京在雙重國籍問題上出招，恐怕也難改變決定移民的港人想法，「因為今次移民潮同97年嗰次好唔同，嗰次好多人仲諗住回流返香港搵錢，但今次好多人一走，就諗住以後唔返香港。」
該名專業人士早在1997年前已移民再回流香港，他說單是1月份，「排滿晒同朋友、同事、下屬嘅送行宴，個個plan晒1、2月走」，而最多人去的地方仍是英國，「即使英國疫情嚴峻，好多仲一家大細堅持走，怕遲咗情況有變」，他直言BNO的5+1方案1月底可申請，相信1月後走的人會更多，「有啲嘢唔係你北京、林鄭話冇移民潮就冇，真係冇人走去英國，李嘉誠會投資10億英鎊喺英國起樓？愛國愛港嘅有線老細邱達昌，會喺曼城係咁起樓？冇需求佢哋會投資咩？你信地產商定政府？」
至於建制陣營不斷放風指北京會針對BNO的5+1方案，在雙重國籍問題上出招，該專業人士作為回流過來人，坦言有關做法沒有作用，「我哋嗰代移民之後，好多人仲諗住即刻回流香港搵錢、家人喺外國，如果話取消中國籍、影響居港權，或者仲有人擔心會唔會影響搵錢，但呢一次好多人一走，全家十年八年唔會再返香港，有冇中國籍、有冇影響居港權，佢哋根本唔介意」，而且若北京真的如此做，恐怕只會嚇怕更多港人，「原本唔想走都即刻諗移民」。
季陶
周一及周五刊出