【本報訊】壹傳媒創辦人黎智英被控欺詐及勾結外國勢力，早前僅保釋八天後，在除夕夜復遭還柙。黎的長子及次子昨到收押所探望，其間黎智英心情輕鬆，父子三人有講有笑。長子黎見恩讚揚父親「佢真係好堅，真係好佩服」，強調家人一定會支持。
昨早約8時，黎智英長子黎見恩和次子黎耀恩前往荔枝角收押所，沿途兩兄弟互有交談，也大方任由傳媒拍照，神態自若。收押所外一度人多，兩兄弟排隊登記並等候，之後入內探望父親。當黎離開囚室步往接見室途中，懲教員即遞手阻止他行近鐵絲網，似是要他避開傳媒鏡頭。
至早上9時半，黎智英兩名兒子離開收押所。黎見恩在收押所外形容父親精神很好，也較之前「輕鬆咗好多，有講有笑」。他不諱言父親對被還柙早有心理準備，「佢都預咗可能都要受，所以冇呀，好輕鬆，我哋成個過程傾偈都有講有笑」。
對於黎早前獲保釋，但他因律政司上訴獲終審法院受理而復遭還柙，黎見恩大表不解，「我都唔係好明，上訴申請唔係最終裁定，理論上唔可以介入，可能大家都知，左報呀，啲壓力呀」，但他認為雖然律政司介入，但現時未必屬壞情況，「如果唔介入可能仲大鑊，上大陸，甚至乎香港司法系統可能好有問題，畀大陸咁搞，可能（現在）都唔係壞嘅」。
問及有否考慮父親或最終被判入獄，黎見恩不諱言父親或心裏有數。惟他讚揚父親一直堅持並表現堅強，令自己大感佩服，「佢（父親）真係好堅，真係好佩服！」又直言：「我哋（家人）當然難受，但係見到佢（父親）咁堅強，一定會支持佢。」
黎智英早前被控欺詐後再被加控勾結外國或者境外勢力危害國家安全罪，等候審訊期間被還柙20天，外界質疑未審先囚，之後上月23日他獲高等法院批准保釋。惟事隔八日，律政司提出上訴獲終審法院受理，案件排期下月1日審理，黎自除夕夜再被還柙。
新一年開始，惟未見新景象，港人前路仍然艱巨，惟靠團結才可抗暴。壹傳媒創辦人黎智英雖然多次在訪問中強調不會離港，但終院仍受理律政司上訴再次把他關押。大批港人來信盼黎智英保重，更有讀者眼見黎年屆七旬仍繼續受極權煎熬，打消移民念頭，希望與肥佬黎、與香港共同進退。
