【本報訊】黑暗時代中，年輕人難以信任政權。21歲的教育組織「教育野」發言人鄭家朗認為，在謊言的時代，林鄭月娥政府不被信任是咎由自取；22歲、史上第二年輕的區議員彭家浩亦批評政府未能拆解社會運動和政制問題，「身邊嘅朋友好多都因為唔信呢個政府，要離開香港」。港大學生會會長葉芷琳批評特首林鄭上任以來一直打壓社運，漠視民意，形容年輕人對政府失去信任並非一朝一夕，「係逐啲逐啲累積不信任」。
鄭家朗認為，政府用指鹿為馬手法，將不義的手段稱為「公義」，更掩飾惡行，漠視年輕人訴求，行徑已達至令人髮指地步，誠信盡失實屬必然，「林鄭話願意聆聽，但其實係冇聽過市民嘅聲音，律政司不斷對年輕人窮追猛打，林鄭夠講過主流民意反對就會辭職，結果到𠵱家都冇辭啦」。他認為年輕人早已看穿林鄭政府不可信。
鄭又批評教育局長楊潤雄早前撤銷教師註冊時，竟辯稱此舉是為學生好，「但家長同埋學生都唔會覺得（撤銷教師註冊）係正確」，慨嘆在謊言時代，謊話政府遭到民間不信任是咎由自取。
彭家浩認為政府未有拆解社會運動和政制、民主發展的問題，「啱啱先DQ咁多立法會議員，仲要押後個選舉」。他坦言自己難以相信政府，「身邊嘅朋友因為唔信呢個政府，要離開香港，唔知幾時返到嚟」，區議會層面上亦遭民政處重重阻撓。
港大學生會會長葉芷琳表示，學生多年來眼見政府對民間聲音的漠視和打壓，對政府的信任已經瓦解，「唔係一件事，係逐啲逐啲累積不信任，由2014年（雨傘運動），到2016年（旺角衝突及DQ事件），再到𠵱家」。她斥林鄭在防疫政策上不斷「彈出彈入」，自相矛盾，例如港府去年全日禁堂食令打工仔街頭用膳，官員事後始驚覺很多人仍要上班，林鄭最近就選擇疫苗說法亦前後矛盾，令人難以接受，她狠批︰「佢有冇真係了解市民需要乜嘢？」