【本報訊】12港人案中，被控違反港版國安法的29歲「香港故事」成員李宇軒，因偷越邊境罪成被內地法院判囚七個月。李宇軒的妹妹Beatrice（圖）接受訪問時透露，由於擔心家人回內地的人身安全，因此家人不會探望哥哥，相信他會諒解和堅強面對餘下刑期。她希望哥哥完成內地和香港的刑期後，日後能離開香港。
知道哥哥被判囚七個月後，Beatrice指心情沒甚麼特別，因此案操控於中共政權手中，刑期由政權話事，「總之內地就係要砌到佢哋有罪……個人喺佢哋手上，一定會搞佢」。她相信哥哥會堅強面對餘下刑期，「佢一向都唔係一個容易放棄嘅人，佢會調節好心理狀態」。
Beatrice稱不會回內地探望在囚的哥哥，因要顧及家人安全，「我哋屋企人冇諗過要去探佢，因為大家都知道返大陸，呢一刻嘅人身安全冇乜保障，我哋唔會貿然做呢一樣嘢」。但她會繼續寫信給哥哥：「冇人探佢都冇辦法，我諗哥哥都會理解，我哋唔會貿然返大陸，因為大家參與反送中運動，都知道大陸嘅黑獄、制度，係危險同好唔公平。」
Beatrice指至今不相信12港人向香港家人「報平安」的家書，相信他們是在脅迫下擔心安全才撰寫，「無論寫乜都唔會信，因為你根本唔畀任何外界人士接觸佢，我點樣相信內地冇喺入面虧待佢哋」。