英超富豪球會車路士禮拜四宣佈，19/20上半季財政年度錄得3,250萬鎊（約3.4億港元）盈利。喺武肺肆虐下，英超一度停賽，電視轉播同比賽日收益減少，但由於成功攞到歐聯席位，加上出售球員獲利唔少，令車路士繼續有盈利。報告顯示，計埋同原有球員續約，車路士喺陣容上嘅投資高達9,370萬鎊，但就未包括6月30日後先買嘅夏維斯、迪姆華拿、芝維爾同艾度亞文迪。