【本報訊】深水埗主教山的百年古羅馬式配水庫引發社會保育熱心。特首林鄭月娥表示，古蹟建築應作保留，會研究以甚麼方法供市民享用，籲市民放心。惟有市民斥政府從未為文物保護付出，亦不希望主教山保育後變得商業化。
林鄭月娥稱與發展局長黃偉綸看法一致，認為應保留主教山配水庫，「睇吓用咩方法畀市民享用得到」；又指幸好配水庫位處政府土地，若涉及私人業權就「好頭痛」。
昨日元旦假期，有人特意前往主教山一睹百年羅馬式建築的風貌，惟現場仍被鐵欄圍封。王小姐說「無諗過香港會有」；她不信政府會保留主教山配水庫原始風貌，「其實我抱住一種心態，佢（政府）會拆，都唔會保留㗎啦，𠵱個時候唔睇都無得睇」。她擔心即使政府口說保留，最終或像澳門大三巴牌坊，「成嚿嘢可能拆淨一、兩條柱」，又或者將主教山以商業模式發展；又批評政府從未為文物保護付出，「唔覺佢有做過呢樣嘢囉」。
葉太對市區有古羅馬式建築感震撼，「估唔到咁近」，昨約朋友上山欲一睹古蹟，「 新年落嚟行吓……仲有嚟睇吓個建築物，但係封咗」。對主教山被圍封，她不感可惜，「遲早都有得睇，做晒保護會開放嘅」，希望政府盡力保持主教山原始風貌，「唔好加太多人工嘅嘢」。