王灝兒（JW）去年簽約星夢旗下，與菊梓喬（Hana）爭做一姐，JW明顯獲得器重，加盟不久已獲安排拍攝劇集《欺詐劇團》。日前JW在Ig紀錄拍劇苦況，手持一張紙撥涼並呼叫：「好熱呀！」身邊有工作人員用開兩塊反光板為她遮擋太陽，又和拍檔林德信在Ig發放同一張花絮相。
不過JW嗌熱的畫面卻觸動Hana粉絲的神經，竟在林德信的Ig留言大罵JW有公主病，又將她的名字寫為「王浩兒」，「唔捱得辛苦就咪鬼拍劇啦，又冇演技又冇身材」、「喺度話熱，人哋其他人拍劇都冇你咁公主病，學吓菊菊啦，人哋之前拍劇都唔辛苦，仲好努力讀熟劇本，邊似得你，埋位前狂放相晒命」。