阮民安（Tommy）和立法會前議員鄺俊宇（鄺神）一直賣力支持抗爭，前年抗爭運動持續，不少手足為此付上代價，甚至被秋後算賬，無疑士氣受打擊，幸好無阻大家一條心。Tommy和鄺神為鼓勵及慰藉有心人，合力創作一曲《手足》為港人打氣，同時紓緩疫情緊張氣氛。歌曲昨日大除夕在《蘋果》可以搶先收聽，今日元旦在YouTube推出。
MV獲眾熱血抗爭人物凝聚撐場，分別有岑子杰、東區區議員仇栩欣（仇B）、理大廚房佬、陳伯、王婆婆、二創音樂人晴天林、中大吳傲雪同學等，內容重演去年抗爭運動時多幕難忘場面，包括仇B在北角被捕、西灣河開槍事件、人鏈磚陣，高潮位是眾人晒冷出鏡。
Tommy今次為MV兼任導演及主角，日前在大坑一間茶餐廳拍攝其中一幕，他說：「𠵱家成個香港都好灰，好似唔知前景係點，想呢首歌為大家打氣，等有返啲士氣。歌名叫《手足》，送畀舊年前線抗爭者，當初係鄺俊宇喺金鐘第一個人叫現場嘅人係手足，我就大膽將首歌用呢個名，我想話畀所有手足知，無論佢哋𠵱家情況係點，喺邊一度都好，我哋都唔會忘記佢哋。」
Tommy大爆仇B在首日開工受傷，他說：「佢俾男演員扮嘅壞人壓落地踩到腳，右大腿側瘀咗一大撻，佢受傷都冇話要休息，由頭撐到尾，睇到都心痛呀！」仇B忍痛上陣毫無怨言，不過拍攝時卻勾起被捕的回憶：「同我當日被捕畫面都幾似。」
前年抗爭日程緊密，Tommy均親自現身支持，早已感同身受，與鄺神合力創作歌曲《煲底之約》，期待與手足除罩煲底下相見。MV找來周庭做女主角，扮演跟父親政見不同的女學生。現實中周庭前年6月21日與前香港眾志成員黃之鋒及林朗彥涉包圍警總，三人上月被判入獄，周庭被判囚10個月，申請保釋等候上訴被拒。《手足》一曲有延續《煲底之約》的意義，可惜周庭未能參與，相信在獄中的她仍會感受到這份心意。
