胡杏兒在聖誕節公佈懷第三胎後，昨日穿上啡色長裙及平底鞋首度現身，到柴灣拍攝染髮廣告，在傳媒拍照期間她一直戴上透明口罩，並將雙手放在凸肚前做出心形手勢，她受訪時就換上外科口罩，安全措施做到足。
現時懷孕差不多六個月，杏兒透露今胎是計劃之內：「會選擇順產，因為我驚開刀。」提到四年抱三，杏兒笑指老公想要女兒，問到如果今胎都是仔，會否封肚？她說：「我諗要封，三個喇，我覺得生唔辛苦，但教、養要好多精力、心血同時間。」對於胡定欣指在她向外公佈前一天才知道，杏兒解釋：「因為之前我喺內地做嘢，我唔想佢哋擔心，其實當時奶奶都唔知道，所以我返香港即刻同奶奶講，不過奶奶同老公都係一樣咁開通。」她表示農曆新年前會停工。