元旦日有大結局有首映，等各位有好開始。日本天皇盃就大結局，決賽由川崎前鋒鬥大阪飛腳（圖），前鋒雖係日職一哥，不過決賽場合讓一球太多，下盤加個「細」啱數。
不過先講首映先，澳職開咗幾日，星期六FC悉尼作客威靈頓鳳凰，兩隊就第一次登場。威靈頓鳳凰主場入球數字就非常穩陣，FC悉尼同一般澳職球隊分別係，佢哋較早前已經開操應付亞冠盃，狀態比對手好好多，「讓球」盤可以先觀望，海外初盤暫時讓平/半，真係值得投資落去，客隊夠贏有餘，不過較有信心係入球「大」，澳職開咗幾口「細」，係時候爆番「大」！
重頭戲日皇盃，前鋒日職就贏飛腳足足18分，真係贏一條街都唔止，直頭係贏緊成個區嘅距離，呢場波好似就冇得踢。前鋒中場大佬中村憲剛上場都有後備入替，今場贏埋就真係Happy ending，拎雙料冠軍收山，所以呢場波勝負關鍵就睇雙方出咩人腳。依小弟愚見，如果一定要買前鋒，情願走地先投資，始終決賽讓波太多，要贏兩球先收上盤，實在太多，準決賽前鋒都對住丙組仔，都係控球在腳慢慢踢，今仗更加唔想失波先，反而「細」值得各位追捧，大阪飛腳都知道前鋒攻力有幾強，要偷雞奪標首先就一定係做好防守，然後先搵機會打反擊，其實飛腳準決賽對日乙嘅德島漩渦都係玩呢一招，所以今場入球數字必定下降。
文：黃耀富
截稿前馬會尚未開盤，盤口僅供參考，讀者記得留意足智彩網頁。