現年27歲、男子組合MIRROR成員陳卓賢（Ian）日前被指秘撻「爆粗港姐」陳曉華，兩人同車出入，但女方指是美麗誤會，緊隨Ian被爆原來是「女神收割機」，曾暗交ViuTV一姐陳俞希及蘇皓兒，又跟劇集拍檔余潔滢撻着及媾掂墨西哥混血索模盧慧敏（Amy Lo），結果連日來Ian出席活動皆迴避傳媒避談。但「紙最終包不住火」，Ian最終情定與他同屬高頭大馬型兼同齡的Amy Lo。
《蘋果》讀者何小姐爆料指前日下午5時許，目睹Ian和Amy Lo在中環碼頭出現，二人不避嫌全程十指緊扣，何小姐說：「其實係見到個女仔先，因為佢好高，戴咗口罩都有啲星味，之後再望吓個男仔，先發覺係Ian。佢哋搭下晝5點半船入坪洲，咁啱我又係搭同一班船，見佢哋落船嗰陣有一男一女接佢哋。」何小姐指沿途沒有任可疑似工作人員隨行，因此相信不是工作，估計二人到坪洲甜蜜拍拖。
不過前日是新城頒獎禮，MIRROR其他11位成員齊集出席，唯獨Ian缺席，當日司儀指他有工作在身，但原來「工作」實則是拍拖。拍拖斷正後Ian昨日凌晨在Ig出post：「劇集嘅拍攝一早已經完成，而我請假係早喺一個月前請咗，原因係屋企人有事，處理該事嘅時間係同頒獎禮相撞，對外講話係因工作未能出席係覺得關乎我屋企人嘅事，冇必要公開講太多。」他堅稱工作態度不變，最終亦無回應拍拖一事。
其實《蘋果》早前已收到自稱劇組工作人員爆料，指Ian主演的劇集《男排女將》結局中，他刻意安排女友以「彩蛋」姿態出場，兩人合作另一劇集《無限斜棟有限公司》時，Ian被指不時「眼甘甘」望實Amy Lo，兩人更有咀戲。另外，前年在《全民造星II》得亞軍的張天賦（MC）未有簽約ViuTV，反而自組工作室發展，近日他承認加盟華納唱片，當許廷鏗及衛蘭師弟，不過MC參賽時被指囂張及經常遲到，形象麻麻。
