胡定欣昨日以短裙露腿裝到銅鑼灣為陳曦齡投資過百萬元的健康產品新店擔任剪綵嘉賓，定欣透露已有一年多沒有做活動搵外快，被問到收入是否大受影響？她說：「我冇特別去計，因為唔需要計，有句說話好啱『好天斬埋落雨柴』，好彩過往呢一、兩年，都有唔同嘅工作做，所以用緊積蓄，我唔需要擔憂已經好好。」
對於胡杏兒早前公佈懷第三胎，定欣開心地說：「我都係早大家一日知，其實好微妙，我哋幾個好姊妹都發現佢有孕味，但大家當時唔敢講，因為佢第三胎，大家都知道佢懷孕嘅時候，個樣會有啲乜變化，點解佢個鼻唔同咗。（今胎係仔？）唔知呀，諗唔到佢有咗BB都上內地四個月做嘢，我哋成班姊妹都覺得佢好叻，將事業同家庭照顧得非常好。」