【本報訊】百年古蹟主教山配水庫暫得以保留，日後用途受關注。有古諮會委員建議將配水庫活化為水務博物館，但區議員憂慮活化將破壞街坊與社區的連結，建議發展成古蹟公園。
發展局局長黃偉綸日前表示，不排除將主教山配水庫列入活化歷史建築物計劃。古諮會委員何鉅業指配水庫屬水務設施，建議可活化成水務博物館。
惟政府主導的活化歷史建築往往與社區脫節，深水埗區議員何啟明認為活化的缺點是可能將建築物外判，當機構負責營運時需自負盈虧，自會盡量降低保育成本，「點樣令廁所乾淨啲？就係少啲人去個廁所。」
何以已活化的北九龍裁判法院、薩凡納藝術設計學院為例，「連我作為深水埗區議員，以前都入唔到薩凡納」。
主教山沿路有居民建造的健身設施、乒乓波枱等。何形容主教山是居民休憩之地，不適合活化，「美荷樓、雷生春嗰啲真係建築物，又喺市區入面，但呢度唔係」，建議政府考慮仿效外國的古蹟公園，讓公眾隨時使用。
市民周小姐亦認為活化會令街坊生活大受影響，「PMQ（元創方）都淨係變咗商店，好可惜，我唔係淨係想行街買嘢咁簡單」。
立法會前議員朱凱廸則認為該如何保育不易有答案，期望由該區的持份者共同構思配水庫的未來。
曾為尖沙嘴K11 MUSEA設計天花拱頂及地面雕塑的LAAB設計總監吳鎮麟指現時重點在於如何保育，「可以有唔同用途，用嚟做藝術文化、做library（圖書館）、museum（博物館），畀大家近距離咁欣賞同接觸（歷史建築）」。