調查機構Gartner發表報告，預期明年全球公有雲服務終端用家消費將按年增18%至3,049億美元（下同），而今年料為2,575億元。疫情印證雲服務嘅價值，而用家可按需要使用，隨時擴展規模以達至成本效益及業務可持續性等，亦令機構加快數碼化轉型，而公有雲服務增加亦帶動其應用，漸成新常態。
近日受政策風險影響嘅平台經濟龍頭股顯著受壓，而資金從相關股份流向雲相關股份。本月初成為港股通新貴嘅明源雲（909），喺北水流入下，其股價於本月中曾則創下54元上市新高後，開始橫行整固，目前正好係收集好機會。
明源雲為房地產商提供軟件解決方案，包括企業資源管理（ERP）解決方案及SaaS。以去年收入計，公司喺內地房地產開發商軟件解決方案市場份額佔18.5%，居首位。龍頭地位穩固，而內房行業信息化水平滯後，軟件解決方案滲透率擴展潛力大，業務有望延續穩定快速增長，預計2019至2022年，收入年均複合增長率36%，淨利潤年均複合增長率33%。集團專注為內房開發商及房地產產業鏈其他產業參與者，提供企業級ERP解決方案及SaaS產品。
截至2020年6月30日止六個月，集團收入為6.707億元人幣，主要是SaaS產品及ERP解決方案所產生嘅收入大幅增加所致。集團近年毛利率維持穩定，可望逐年攀升，盈利能力持續增強。隨着中國房地產數碼化需求日益增加，業績可保穩健增長。目前明源雲嘅市場份額排名第一，未來隨着市場繼續向頭部集中，公司有望充份受惠。
技術走勢方面，股價自高位54元回落至20日線（46元）左右見支持，周二股價一度收復10日線（48.42元），惟未能企穩。建議46至48元收集，跌穿45元止蝕，只要能重上10日線企穩，有望重上前高位54元，突破後可再創新高。
古天后