【國安法回顧 從政無門】港版國安法強行通過後，隨之而來就是連串針對民主派的選舉DQ，繼9月DQ一批立法會選舉參選人，人大常委會11月11日再DQ郭榮鏗、郭家麒、楊岳橋、梁繼昌等延任立會議員，觸發民主派總辭表態。對話路盡，議會難言有空間，民主黨、公民黨、人民力量等政黨面對回歸以來最嚴峻寒冬，滅黨已非不可能。惟他們未言投降，仍冀望在更冷更黑的寒冬守住抗爭火苗，2021年力求「保住道氣」、「緊守崗位」，同時深信黑極過後總會迎來光。
人大常委會宣佈DQ的同一夜，受最大打擊的公民黨召開緊急會議，黨主席梁家傑指，「唔想畀自己胡思亂想未來會點，所以即刻開會問大家反應」，令他深受感動是黨內年輕一輩都願繼續在公民黨旗幟下尋求出路。
公民黨之後選出新一屆執委會，梁家傑續任主席，但黨魁懸空，副主席就換上新面孔，象徵該黨轉舵駛往另一方向，不過之後陸續有區議員退黨。梁家傑分析未來議會之路，「就算未斷絕，都越行越窄」，認為要探索由代議士制度轉向全民自救、監察政府方向，故希望增加與公民社會協作，「其實唔係好高深，比如黃店餐廳咁，我哋同聲同氣搵多啲機會互相支持」，認為「公民黨可以有一個角色。」
公民黨是DQ重災區，傑哥直言今時今日仍將焦點放在明年選舉「係相當冇意思」，「兩手準備啦，如果明年再選，係有黨友願去嘅，除非擺明車馬呢個係人大化咗嘅議會，只可以做花瓶，咁就例外。」他又寄語港人要鍛煉面對逆境的「抗疫能力」，「《無權者的權力》（捷克前總統哈維爾著作）提出嘅唔係革命藍圖，而係大家堅持講真話，大家要保持低調，保住道氣，黑極都會有光明一刻。」
人民力量主席陳志全（慢必）對於國安法下反對派政黨的生存空間更快人快語：「我諗應該冇人會諗grow（增長）」，當成為政權眼中釘，組織的存在就面對風險，「要思考組織存活問題，為嘅係去保護成員」。他指政黨組織存在使命之一是凝聚有心人，要抱持抗爭到底的心志外，同時為面對的風險做準備，「喺國安法下冇人安全，唔想販賣假希望」，強調要緊守崗位，「例如我會做好個社交平台，繼續有輿論聲音」。至於如何看明年立會選舉，慢必多次說「答唔到」，因未知有多大機會可以入閘，而且未來議會空間已大大收窄。
近日接任民主黨主席的羅健熙則坦言，政黨工作及未來的路困難，「回歸嗰年後，現時係唯一立法會冇民主派議員嘅日子」，反對派政黨生存空間縮窄是不爭事實，他作為國安法下反對派頭目亦「冇得計算咁多」，「呢個時勢更有責任要維持存在發聲，畀大家知道自己唔係一個人，有人一齊繼續努力奮鬥。」
他指，在漫長黑暗下，維持組織存在更見重要，亦要更小心，但會否令人認為民主黨獨善其身？羅觀察外界已多了體諒，惟認同不應自我設限，「條紅線係對方嘅政治計算，未去到要搞民主黨咪唔劃到囉」，不諱言民主黨過去路線似沒有踩上紅線，卻不會天真認為自身安全，「要做嘅事應該繼續做，有機會再返議會都係繼續議政。」
對於是否再參與選舉，羅說就算重回議會，其作用已大變，「裏面空間已經少咗」，但認為議會跟議席是兩回事，後者涉及資源及作用，「家陣眾籌都係高危，少咗立法會議席，以民主黨為例，每月少了百多萬元可以動用，請人同地區工作都會有影響。」