港版國安法下，「國際線」已成為「勾結外國勢力」的罪行，但隨着流亡海外的政治人物增加，國際線已由香港轉移到海外，不少流亡海外人士繼續投入到國際線工作。有流亡人士認為，國際線已不能再圍繞游說工作，認為要有新思維，但承認不容易，甚或會受國際線工作的「潛規則」排斥。
鄭文傑受訪時直言，反送中運動後，社會公民意識增強，「運動由下而上去進行嘅方向變強咗」，表面似是正面發展，但同時暗藏危機，「呢個模式始終係俾人感覺要好快贏得佢想要嘅嘢，想透過個人化嘅力量去帶動成個社會議題。」結果不單香港市民迷失，甚至是整個香港下⼀代都陷入迷失，「迷失喺個爭取曝光嘅遊戲入面、國際游說嘅企業嘅裏面」。
以往國際線工作幾乎等同游說工作，但鄭文傑坦言不認同，甚至認為不踏實，「我哋好似個虛無飄渺嘅靈魂咁不斷倚靠政客，喺外國來講，我哋就係苦主大聯盟嘅代表」，亦令他擔心無止境向外國求助最終無補於事，他早前提出成立「香港影子議會」，期望現時國際線遊戲下另闢新路徑，他解釋：「如果北京刻意要將我哋同香港主流社會切割，呢個平台就係你可以同香港市民去連結返」，但究竟作用有多大？風險有多高？仍尚待驗證。
他坦言，國際線工作亦要有透明度，不是一個小圈子，讓不同政治光譜的面孔出現，但他不諱言現時國際線工作也有「潛規則」，新想法易被排斥，部份聲音甚至不成比例地被壓抑，最終影響國際線發展。