日本波今個季度仲有兩場大戰，首先就要等到元旦日嘅日皇盃決賽，由川崎前鋒鬥大阪飛腳。咁呢個周中有乜好嘢？當然係澳職啦，之前已經預告過，日本波之後，小弟會集中火力喺澳職，近嚟都會評述吓澳職比賽。澳洲有名你叫，澳大利亞，所以「澳大」呢兩個字就真係長期適用，不過季初就真係唔好郁住，過多兩周啦，長期買「大」就當一個派息基金咁投資啦！
今次講番星期三同四嗰兩場波先；周三西悉尼流浪者主場對FC麥克阿瑟；上季新丁西部聯都算一鳴驚人，新埋班就喺常規賽排第五，有權踢季後賽，呢隊麥克阿瑟有冇權好似西部聯咁威？我嘅答案係有。呢班波有老有嫩，隊波都幾平均，亦都有大名外援壓場。對手西悉上季一讓波就唔掂，擺明係一支踢下風波好過上風波嘅球隊，初步睇佢哋季初讓波真係唔多睇好，所以下盤為佳，入球方面都係建議買「大」，麥軍入到一粒就穩陣。
星期四方面，中岸水手主場對紐卡素噴射機，水手上季畀人感覺主場都幾穩陣，唔會點失波，教練又冇換人，球隊風格就正路唔會變；紐卡素噴射機都有啲主力離隊，上季成績唔好得過水手好多，而且作客入球能力一般，今次海外初盤要讓平/半，真係信唔過，考慮兩隊攻力都麻麻，下盤加「細」，希望悶悶地贏。
西悉尼流浪者上季四次讓平/半，只得1贏3輸，三次主場讓平/半均輸盤。
文：黃耀富
截稿前馬會尚未開盤，盤口僅供參考，讀者記得留意足智彩網頁。