【拯救古蹟】
【本報訊】座落石硤尾平民區的小山，因逾百年歷史配水庫重見天日而聲名大噪。多年來在主教山晨操晚練的街坊赫然發現鄰家原來暗藏珍貴古蹟，不惜擅闖地盤意圖制止清拆工程。被禾稈埋藏多年的珍珠亦引來區外人前來朝聖，有攝影師大嘆羅馬式蓄水池神奇，期望政府好好保育。
主教山頂本來是個晨運客熱點，未動工前放滿鐵製韆鞦和各式健身架，還有乒乓波枱和竹枝搭建的小涼亭。本周日，街坊芳姐趁假期登山，發現山頂挖出大洞，內裏暗藏龐然建築，「當時見到，嘩！啲柱好靚喎！仲有幾條，之後就落去睇同影相，仲發畀朋友叫佢哋過嚟，係最後打卡時間，見證歷史，聽日不再㗎喇。我一路感受好心痛、好不捨，真係流眼淚。」
芳姐其後聯絡一眾街坊翌日晨早上山，趕在工人動工前抗議，「有街坊鬧我黐線嘅，政府要拆嘅嘢就要拆㗎啦，咁多事。我答唔到佢，我就係心痛。」但工人無視抗議，繼續發動鑽挖機，她於是爬入圍封範圍，走近電鑽意圖關掉機器，成功迫使工人停工。
至昨晨，主教山上有警員巡邏，也有公眾上山盼一睹古蹟蘆山真面目。有工人提醒各人避免進入工地，聲言工程已暫停。現場所見，配水庫部份紅磚砌成的拱門和石柱已遭破壞，碎片遺留在內。蓄水池內仍留有水位刻度和大水管，雖然看似已生銹，但目測結構完整。
已在主教山晨運十多年的街坊陳女士說，街坊平日在山頂跑步，甚至會夾錢製作各式運動拉架在山上使用，近期才因工程搬走。她沒想過地底原來有古羅馬式建築，認為應保留，如果清拆會感可惜，「我覺得好靚，反正又唔係起樓，整好當個旅遊區畀人參觀吓，又有位畀我哋晨運，我覺得OK。你拆咗佢做乜啫？拆咗填平都係起個球場畀我哋咋嘛」。
旅遊攝影師李先生特意到來，從鐵絲網外觀察古蹟，「香港好少有咁舊嘅遺蹟，同埋政府想拆咗佢，靠民間力量先停工」。他曾遊覽的土耳其伊斯坦堡也有類似蓄水池，「冇諗過香港都有咁嘅地方，香港真係好有歷史，所以先有咁神奇嘅地方。應該保育佢，唔係問都冇問就填咗佢，當無事發生」。
周日凌晨發文公開主教山配水庫的fb專頁「香港探故」負責人、保育建築師Nicky Wong指，貼文內容是由其朋友、行山愛好者Vincent提供，最初看到照片時已十分驚嘆，他認為整個配水庫設計巧妙，位處山上可增加水壓為九龍各區長途送水，以確保各區水壓統一，羅馬式拱門及其迴廊設計更十分罕見。Nicky認為，水務署在動工前應先研究配水庫歷史，「唔係咁草率就提交畀區議會」，古蹟辦更無事前實地碪察，「開工之前應該做好study」。
周一起大量公眾人士前來欲一睹古羅馬建築，當局在工地拉上鐵閘禁止外人進入，並有保安員通宵留守，周一晚入夜後仍有人到來，部份人被警方票控違反限聚令。警方表示，前晚11時20分接報，懷疑有人於主教山配水庫聚集。警員到場調查後，發現八名男子（20歲至51歲）涉嫌違反限聚令，予以票控。
