前青年新政召集人梁頌恆（Baggio）算是最新流亡人士，他因2016年衝擊立法會會議室，被判非法集結罪成，今年上訴失敗即時服刑四星期，9月底出獄，雖然未有高調參與政治活動，卻發現長期被監視跟蹤，最終考慮安全下決定流亡海外，「有次我喺商場買嘢，後面個中年男人一路跟，買完嘢出嚟佢喺門口眈天望地，喺第二層買嘢又喺門口等我，去超市佢又跟埋入去，跟我喺超市亂咁轉，一路跟到返屋企。」
他不知對方身份，「唔知係國安處定警察，定某啲傳媒狗仔隊」，但聯想到其他政治人物被捕前情況，認定安全受威脅，經約兩個月掙扎最終決定離港，「喺呢度長大、讀書、工作，朋友、家人都喺香港，要捨棄呢啲係好困難決定，但留喺度同樣係好困難決定。」
Baggio最終流亡美國，初到貴境翌日已跟當地智庫團隊會見，「嚟咗18日，約咗好多唔同人見面，仲有傳媒嘅訪問，都比較忙。」因政治庇護尚未申請成功，「要靠食老本，遲啲有簽證先可以搵工。」
人在海外，Baggio反較在港更投入政治工作，包括國際戰線，Baggio分析相關路線未來仍有空間，「現時制裁中港官員係針對個人，阻嚇力較低，如果針對金融系統呢？」他分析中國一直利用香港做「白手套」，「中資公司用香港註冊公司扮港資，同啲被限制公司交易，或者透過交易偷取科技同專利；其次通過香港金融系統將人民幣換成外滙，因為香港冇外滙限制，如果用方法威脅香港嘅提款機功能，或者可以動搖到中國經濟力量。」