港版國安法「殺傷力」無遠弗屆，何況在小小社區內嘗試默默耕耘的區議員？灣仔區議員梁柏堅及油尖旺區議員林兆彬因職務需要，過去一年多屢次身處街頭警民衝突現場，兩人甚至是見證警方舉「紫旗」（指控市民違反國安法）人士，直言國安法生效後已把自我審查當成工作之日常，惟因議政工作不時觸及灰色地帶，不免令地區工作進退失據。至於如何看明年或舉行的立會選舉？「自己幾時被DQ都唔知，應該冇人諗到咁遠。」
梁柏堅不諱言，國安法下區議員工作不免作自我審查，「例如『光時』橫額唔掛得，但呢個係政府講，冇案例，民政署冇定義過，但你唔會專登去掛畀機會（政權）去搞你。」議政工作亦「好多灰色位」，「提出嘅議案、爭取，未必有明文規定准定唔准，但現時隨時令人踩到紅線。」如此風險下令不少區議員同事進退失據，想嘗試帶來影響又不被政權扣帽子，「所以我哋呢啲二線嘅人要更識走，要更勇敢去補位。」正因現時區會民主陣營光譜很廣，反令大家有空間試驗不同路線，「個政權其實都要睇國際線，如果所有反對聲佢都想打壓，咁國際如果關注埋做刀手嘅AO，佢哋唔係冇成本囉。」
林兆彬的議辦就在太子站旁，每個月底他都跟同區議員到太子站外接收市民的悼念獻花，但港澳辦副主任張曉明把太子站事件跟國安法扯上關係後，上月警方指見花即採取行動，令他改到議辦樓下接受花束，「太子站悼念起碼有兩隊國安處警察到場，我哋亦好小心看待，唔想畀佢哋話係散播仇恨」，坦言只能不斷退讓，「退到乜位未有答案」，形容背後理念是「盡量做越耐越好」，但明言「諗唔到咁遠」，因未來如果區議員要宣誓，沒人敢保證不被DQ甚至追究。
不過，明年仍可能有機會舉行立法會選舉，林兆彬說若屆時有需要仍會再次披甲上陣，相信資源及立法會平台仍需要存留反對聲音，「但如果有大灣區投票，就應該考慮杯葛多過參與。」