上周末命中鴨巴甸W，今期繼續喺蘇超發展，不過佢哋周三就作客利雲斯頓，唔係太有信心，反而可以吼住喜伯年，呢支中型班主場鬥榜尾分子羅斯郡，應該可以派蛋，「讓球主客和」「主勝」可以出擊。
喜伯年𠵱家排蘇超第四，比上雖然不足，不過比下真係綽綽有餘；「拆禮物日」作客榜首格拉斯哥流浪，都只係輸0:1，而且仲有唔錯嘅入波機會，能力上一啲都唔差。雖然開季至今九場主場，只係贏到三場，其餘5和1負，不過失分對手中，和到嘅包括格流同些路迪，輸畀第三位鴨巴甸，真係唔算差，預期主場戰績會慢慢打番起，趁莊家未大幅調低，可以開始追。
睇番世界博彩公司平均值，喜伯年主W就1.48倍，大約就讓一球高水。今次就進取啲，要「讓球主客和」「主勝」，信喜伯年贏兩球或以上。冇錯，「主勝」雖然係盲門，喜伯年今季3場主場贏波都係贏1球，不過今次就唔同，羅斯郡對上一次贏波已經數到9月中，更加已經連續6場比賽失2球或以上，今場喜伯年如果大炒唔到，真係冇面過2021年。
蘇超早場就有些路迪孭飛，主場對登地聯；雖然積分上些路迪遠遠落後畀格流，不過入波都唔少，17場入42球，平均每場都入2.4球，登地聯攻力都唔差，雙方交手，入球「大」穩陣。
羅斯郡遭逢聯賽六連敗，近五場更沒法取得入球，共失15球。
文：Goal進
截稿前馬會尚未開盤，盤口僅供參考，讀者記得留意足智彩網頁。