ViuTV《全民造星III》總決賽已於上周六圓滿落幕，但話題依然不絕，小肥於賽後在社交網開live談感受，卻惹來疑似CY的fans私訊批評。
小肥在社交網公開私訊內容：「我覺得唔使咁偏激喺度咁樣去踩人嘅，事實係每一個參賽者都有不足嘅地方。」小肥回應該網民：「話CY有種on cow嘅親和力嗰度？但我哋都話好鍾意佢㗎喎，係咪有咩誤會？」《蘋果》向小肥了解是否得罪CY的fans，他以短訊回覆：「我哋一開始都表明係鍾意同支持CY，話佢有種戇居嘅親和力。」有網民留言指CY頂撞ViuTV高層金廣誠，小肥說：「CY唔係寸，因為金生問嘅嘢奇怪，但CY可以修飾下先講。」其後填詞人Tim Lui示意喜歡CY，小肥說：「我都係呀，我鍾意佢on cow，同埋唱得好。」
此外，小肥早前出櫃時坦認有台灣男友，他昨晚在大角嘴出席活動時，透露二人已於上月分手，原因是太忙，問到是否很傷心？他嘆氣：「我唔知，呢段期間好好彩幾忙，忙到唔知點處理，我返到屋企寧願瞓喺梳化都冇傳過短訊畀佢。」小肥自言對這段感情有點壓力，分手不是對方問題，他說：「佢提出，我好似鬆一口氣。」他坦言不再去想拍拖的事，感情事還是隨緣。