抗疫工作本應是挽救民望絕招，根據香港民意研究所民調，林鄭支持淨值確曾由1月10日的-66%，回升至11月中的-48%；同期食衞局長陳肇始支持淨值也由-24%回升至-2%。但民意研究所副行政總裁鍾劍華指，逆民意而行的措施最終只會即時拖累官員評分。全日禁堂食公佈後，陳肇始支持淨值由7月時的-4%暴瀉至-21%，有份制訂政策的勞福局長羅致光支持淨值也由-10%跌至-20%，跌幅較2月拒封關時更明顯。
鍾解釋：「禁堂食嘅慘情畫面有目共睹，影響好多支持政府嘅市民……所以每次（措施、民望）翻唔到身，或者冇啲有意義嘅回升，官員不論評分或支持淨值都仲係谷底」。他認為很多抗疫措施既不科學，也與政治掛鈎，無阻疫情一波接一波，「好多嘢都係做畀北京睇，例如封關同針對高危群組檢測，結果都係市民事前嘅判斷好過政府，自然更失民意」。
民間確對抗疫措施極度不滿，Joyful Dessert House店主高太憶述，3月首次實施限桌令時晴天霹靂，「第一日我哋冇開舖，因為唔知點搞。我哋做甜品，梗係想招呼客人入嚟坐低慢慢食。後尾加隔板、拉返開啲枱，好在係二人細枱，相對冇咁煩。」
她的食店曾獲米芝蓮及「米豬蓮」認證。一年下來，食肆管制措施朝令夕改10多次，她最記得的是7月29日食肆全日禁堂食當天，中午一場陣雨，多少市民狼狽地在戶外食飯盒，甚或跪地進食，令她非常難受，認為政府「抗疫」從不堵截源頭，卻慣性「攞食肆、酒吧開刀」，既令行業人員賠上生計，其店舖也因此數度面臨結業，要靠自救翻身。
高太於是跟同事鑽研外賣保溫法門，10月起接團購定單，「成本增加咗十幾個百分比，但起碼晚上有生意，唔使蝕咁多」。她強調，若政府年頭封關及取消豁免檢疫制度，大家也許「冇咁苦」，「咁多醫生、專家、病者都咁講，林鄭就係唔肯聽；我唔期望回復疫症前境況，只望唔會更差，不過呢個政府、呢個女人，大家明啦！」