【本報訊】政府近月清算教育界，當中通識科更被「殺科」，遭易名及削減一半課時等。有學生組織昨舉辦街站，反對政權將通識科改成洗腦教育工具，批評政治人物才是將政治帶入校園的始作俑者。街站進行期間，警員兩度踩場，並以限聚令票控六名成員，街站被迫腰斬。
香港知政負責人、中三學生「比卡超」引述警方指，街站昨午約5時有多於兩人聚集，故引用限聚令票控。她強調成員擺街站均保持1.5米距離。她表明必定會就告票抗辯，批評警方為打壓才票控。
香港知政成員、中五學生阿謙指，自通識科被開刀後，明顯看到學校老師自我審查，在課堂上避談政治，「以前會講公民抗命，𠵱家唔會再有」。他又指，政權聲稱通識科異化需「糾正」，「嗰啲政治人物話唔好將政治帶入學校，但真正將政治帶入學校嘅正正就係佢哋」。
阿謙續指，國安法實施後，學校及老師噤聲情況遠超自我審查，「香港嘅教育畀人侵蝕緊……政權想你講咩就講咩」。被問到會否擔心投入社運會觸犯國安法，他表示正正因有國安法，故更要勇於發聲，「呢一條紅線唔會因為我哋唔出嚟講嘢而退後，反而會無止境、無底線地壓迫」。