繼「一生平安」揮春被民政署DQ，區議員提出賀歲燈飾亮起「香港加油」，四隻字同樣唔批。局方解釋「為免引起誤會」，被人聯想2019年的「社會事件」，不符節日氣氛，「影響社會和諧」云云。其實一句講晒：指鹿為馬，沒有最契弟，只有更契弟！
一生平安，春冇得揮。HK加油，被K叫停。咁，諗吓邊四隻字，局方會開綠燈？
殺（）無赦。相反，姓何那位真係「特赦」過到關。不過個關唔係香港，妖！係文明好多的英國！中間虛位任填，藍屍冇得跳老舞唱飲歌好鬼鬱躁，民政署趁新春，搞個「平台氹」俾藍屍填（），安心填，過肥年。
任揀針針。區區都插針，藍屍乘機扮口吃，將支針讀成侵，打針變打侵。阿侵已經時日無多啦嘛，藍屍聯乘狼人堅與小粉紅，再度出征，打侵快過打針。民政署頭頭肯定已經還清按揭，誓死追隨腦細唔用卡，現金出糧，叫唔叫內地雞，都一早用緊豬付寶了，冇有怕。
嫦娥柒號。係呀，冇睇錯。賀年燈飾，全力表忠，成日戴阿婆底褲口罩那位局長，親娥親到升天，咁識撈，肯定唔驚柒出局，恭喜契弟，一世發財。